“14-yanvar Vatan himoyachilari kuni” munosabati bilan Surxondaryo viloyati ichki ishlar organlari yosh xodimlari oʻrtasida “Brain ring” intellektual oʻyini oʻtkazildi
2026-01-08 18:25:00 / Yangiliklar
Oʻzbekiston Respublikasi Ichki ishlar vazirining 2025-yil 24-dekabrdagi “Oʻzbekiston Respublikasi Qurolli Kuchlari tashkil etilganligining 34-yilligi hamda Vatan himoyachilari kuni munosabati bilan ichki ishlar organlarida maʼnaviy-maʼrifiy va harbiy-vatanparvarlik tadbirlarini yuqori saviyada oʻtkazish toʻgʻrisidagi tegishli farmoyishiga asosan, “Milliy armiya – Ona yurt qalqoni, tinchligimiz posboni!” shiori ostida, viloyat ichki ishlar organlarida xizmat olib borayotgan yosh xodimlar oʻrtasida “Brain ring” intellektual oʻyini oʻtkazildi.
Tashkil etilgan mazkur intellektual oʻyinda boshqarmaning sohaviy xizmat va barcha shahar-tuman ichki ishlar boʻlimlari jamoalaridan tashkil topgan jami 18 ta jamoalar ishtirok etishdi.
Qizgʻin va murosasiz kechgan bahslarda yakuniy natijalarga koʻra 3-oʻrinni Boysun tumani ichki ishlar boʻlimi jamoasi, 2-oʻrinni viloyat Angor tumani ichki ishlar boʻlimi jamoasi qoʻlga kiritgan boʻlsa, musobaqaning mutlaq gʻolibi boʻlgan holda 1-oʻrinni Sariosiyo tumani ichki ishlar boʻlimi jamoasi qoʻlga kiritishdi.
Tadbir soʻngida gʻolib jamoalar viloyat ichki ishlar boshqarmasi boshligʻining diplom hamda qimmatbaho esdalik sovgʻalari bilan taqdirlandi.
Albatta bu kabi tanlovlarni muntazam ravishda oʻtkazilib borilishi, tizimda xizmat olib borayotgan xodimlarning intellektual salohiyati, dunyoqarashi va maʼnaviyatini yuksaltirish, ularda kitobxonlik madaniyatini oshirish hamda notiqlik xususiyatlarini yanada rivojlantirishga yordam beradi.
Surxondaryo viloyati IIB Axborot xizmati