Ichki ishlar vazirligi rahbariyati Buxoro viloyati hududlarida oʻrganishlar olib bormoqda
2026-01-08 10:45:00 / Yangiliklar
Vazir oʻrinbosari general-mayor Baxodir Mirzaraximov tomonidan oʻrganishlar davomida, Buxoro viloyati Gʻijduvon tumani IIO FMB navbatchilik qismi faoliyati koʻzdan kechirildi.
Koʻzdan kechirish jarayonida navbatchilik xizmati faoliyatini tashkil etish, fuqarolar murojaatlarini qabul qilish va oʻz vaqtida koʻrib chiqish holati, xizmat intizomi hamda moddiy-texnik taʼminot darajasi atroflicha oʻrganildi.
Shuningdek, shaxsiy tarkib bilan suhbat oʻtkazilib, xizmat faoliyatida uchrayotgan muammo va kamchiliklar yuzasidan tegishli koʻrsatma va tavsiyalar berildi. Navbatchilik xizmati samaradorligini yanada oshirish, qonuniylik va xizmat intizomini mustahkamlash boʻyicha aniq vazifalar belgilab olindi.
Buxoro viloyati Shofirkon hamda Vobkent tumanlariga amaliy tashrif doirasida Ichki ishlar vaziri oʻrinbosari tomonidan tuman IIB maʼmuriy binosining navbatchilik qismi hamda tuman Qoʻriqlash boʻlimi faoliyati koʻzdan kechirildi.
Koʻzdan kechirish davomida navbatchilik xizmati faoliyatini tashkil etish, xizmat olib borish tartibi, fuqarolar murojaatlarini qabul qilish va ularga oʻz vaqtida munosabat bildirish holati, shuningdek, xizmat intizomi va moddiy-texnik taʼminot darajasi atroflicha oʻrganildi.
Qoʻriqlash boʻlimida obyektlar xavfsizligini taʼminlash, xizmatchilarning tayyorgarlik darajasi hamda xizmat olib borish samaradorligi yuzasidan tahlil ishlari olib borildi, aniqlangan kamchiliklarni bartaraf etish, xizmat sifatini yanada oshirish hamda qonuniylik va xizmat intizomini mustahkamlash boʻyicha tegishli koʻrsatma va tavsiyalar berildi.
Ichki ishlar vazirligi rahbariyati tomonidan oʻrganishlar davom etmoqda.
Buxoro viloyati IIB Axborot xizmati