Ichki ishlar vazirligi rahbariyati tomonidan Navoiy viloyati hududlarida oʻrganishlar olib bormoqda
2026-01-07 10:55:00 / Yangiliklar
Vazir oʻrinbosari general-mayor Baxodir Mirzaraximov tomonidan oʻrganishlar davomida, Navoiy viloyati hududlarida huquqbuzarlik va jinoyatchilikning barvaqt oldini olish, fuqarolar tomonidan kelib tushayotgan murojaatlar bilan ishlash, sodir etilgan jinoyatlarni “issiq izi”da fosh etish, ichki ishlar organlari xodimlarining xizmat intizomi, qonunchilikka rioya etish borasidagi bir qator koʻrsatmalar berildi.
Xususan, vazir oʻrinbosari tomonidan viloyat hududidagi sodir etilgan jinoyatlarni aniqlash ularning oldini olish borasida Navoiy viloyati IIB xodimlari tomonidan belgilangan chora tadbirlar, tezkor qidiruv tadbirlari, oʻtkazilayotgan profilaktik tadbirlar yuzasidan yaqindan tanishib, mazkur yoʻnalishlarda amalga oshirilishi lozim boʻlgan bir qator koʻrsatmalar belgilandi.
Viloyat hududlarida aholi xavfsizligini taʼminlash va aholi bilan doimiy aloqada boʻlish, aniq va manzilli chora-tadbirlar belgilash yuzasidan “Taraqqiyot” MFY mahalla yettiligi hamda IIB masʼul xodimlariga huquqbuzarliklar profilaktikasi boʻyicha amalga oshirilayotgan chora-tadbirlar, hududida jamoat tartibini saqlash borasida bir qator koʻrsatmalar berildi.
Vazir oʻrinbosarining viloyatlar kesimidagi oʻrganish ishlari davom etmoqda.
Navoiy viloyati IIB Axborot xizmati