Ichki ishlar vazirligi rahbariyati tomonidan Jizzax viloyatining Paxtakor va Doʻstlik tumanlarida aholining ijtimoiy muammolari hal etilishi va kuz-qish mavsumini betalofat oʻtkazish yuzasidan olib borilayotgan ishlar oʻrganildi
2026-01-06 09:35:00 / Yangiliklar
Shu maʼnoda ushbu tumanlarda faoliyat koʻrsatayotgan shtablar faoliyati koʻzdan kechirildi.
Mazkur jarayonda mavsum davomida yuzaga kelishi mumkin boʻlgan favqulodda holatlarning oldini olish va bartaraf etish, iqtisodiyot tarmoqlari, ijtimoiy hamda energetika sohasi obyektlari, shuningdek, koʻp kvartirali uy-joy fondining barqaror ishlashini taʼminlash yuzasidan koʻrilayotgan chora-tadbirlar muhokama qilindi.
Shuningdek, Paxtakor tumanining “Dilorom” MFY yettiligi vakillari bilan oʻtkazilgan muloqot davomida ijtimoiy profilaktik tadbirlarni kuchaytirish va xavfsiz muhitni yaratish boʻyicha amalga oshirilayotgan ishlarga eʼtibor qaratildi.
Jizzax viloyati IIB Axborot xizmati