Fuqarolar murojaatlari eʼtiborda: Buxoro viloyati IIBda navbatdagi shaxsiy qabul oʻtkazildi
2026-01-04 20:35:00 / Yangiliklar
Buxoro viloyati Ichki ishlar boshqarmasida jismoniy va yuridik shaxslarning murojaatlarini oʻrganish hamda ularning muammolariga amaliy yechim topish maqsadida navbatdagi shaxsiy qabul tashkil etildi.
Qabul jarayonida fuqarolar, yuridik shaxslar va ularning qonuniy vakillari bilan yuzma-yuz muloqot oʻtkazildi. Ularning ichki ishlar organlari faoliyati, sud-huquq sohasi hamda boshqa dolzarb masalalarga oid murojaatlari batafsil koʻrib chiqildi.
Asosiy eʼtibor murojaatlarni joyida hal etish, fuqarolarning qonuniy huquq va manfaatlarini taʼminlashga qaratildi. Qoʻshimcha oʻrganishni talab qilgan murojaatlar belgilangan tartibda ish yurituviga olinib, ular yuzasidan manzilli chora-tadbirlar rejasi ishlab chiqildi. Mazkur murojaatlarning oʻz vaqtida va sifatli ijrosini taʼminlash uchun tegishli sohaviy xizmatlar rahbarlariga aniq muddatlar belgilangan topshiriqlar berildi.