Ichki ishlar vazirligi rahbariyati Xorazm viloyati hududlarida oʻrganishlar olib bormoqda
2026-01-04 14:04:00 / Yangiliklar
Ichki ishlar vaziri oʻrinbosari, general-mayor Baxodir Yuldashevich Mirzaraximov tomonidan Xorazm viloyati hududlarida bir qator oʻrganishlar olib bormoqda. Navbatdagi oʻrganishlari viloyatining Gurlan tumanida boʻlib, tumanning hududida jamoat tartibini saqlash, aholi xavfsizligini taʼminlash va huquqbuzarliklar profilaktikasi boʻyicha amalga oshirilayotgan chora-tadbirlar, ijtimoiy soha obyektlarining qish mavsumiga koʻrilgan tayyorgarliklari oʻrganildi.
Mazkur tumanning ijtimoiy soha obyektlari, koʻzdan kechirilib, aholi uchun yaratilgan sharoitlar, qish mavsumiga koʻrilgan chora-tadbirlari, tuman ichki ishlar boshqarmasi, YPX maskanlari koʻzdan kechirilib, masʼul xodimlarga amalga oshirilishi lozim boʻlgan koʻrsatmalar berildi.
Shuningdek tumanining madaniyat va istirohat boshidagi “Yangi yil” archasi bayramini aholi xavfsizligini taʼminlagan xolda oʻtkazilishi, xizmatni tizimli ravishda masʼuliyat va hushyorlik bilan tashkil etish, jamoat xavfsizligini taʼminlash maqsadida aniq belgilangan yoʻl xaritasi boʻyicha ish tashkil etish, ayniqsa profilaktik targʻibot tadbirlarini kuchaytirish, zamonaviy ilgʻor texnologiyalar imkoniyatlaridan keng foydalanish, kameralashtirish orqali hududlarni toʻliq qamrovga olish va boshqa masalalar yuzasidan masʼullarga tegishli vazifalar yuklatildi.
Vazir oʻrinbosarining Xorazm viloyatidagi oʻrganishlari davom etmoqda.
Xorazm viloyati IIB Axborot xizmati