Ichki ishlar vazirligi rahbariyati tomonidan Qoraqalpogʻiston Respublikasida oʻrganish ishlari olib borildi
2026-01-04 09:35:00 / Yangiliklar
Oʻzbekiston Respublikasi Ichki ishlar vazirining oʻrinbosari — Transport va turizm obyektlarida xavfsizlikni taʼminlash departamenti boshligʻi Bahodir Mirzarahimov tomonidan Oʻzbekiston Respublikasi IIV Transport va turizm obyektlarida xavfsizlikni taʼminlash departamentining Qoraqalpogʻiston Respublikasi Transportda xavfsizlikni taʼminlash boshqarmasida oʻrganish ishlari olib borildi.
Oʻrganish davomida boshqarmada xizmat olib borayotgan xodimlar uchun yaratilgan sharoitlar va ularning xizmat faoliyati bilan yaqindan tanishdi. Shuningdek, xodimlarni Yangi yil bayrami munosabati bilan samimiy tabrikladi.
Shundan soʻng Qoʻngʻirot temir yoʻl vokzalida fuqarolar uchun yaratilgan sharoitlar, poyezdlar va vokzal hududida xavfsizlik qoidalariga rioya etilishi oʻrganildi. Oʻrganishlar natijasida aniqlangan kamchiliklarni bartaraf etish boʻyicha masʼul rahbarlarga tegishli topshiriqlar berildi.
Ushbu oʻrganish ishlari davomida vazir oʻrinbosari 27-sonli manzil koloniyasi va Qonlikoʻl tumani Ichki ishlar boʻlimida boʻlib, ushbu muassasalarning xizmat faoliyati bilan yaqindan tanishdi.
Xususan, 27-manzil koloniyasida mahkumlarni saqlash sharoitlari, ularning mehnat bilan bandligini taʼminlash, ijtimoiy moslashuvi, shuningdek, xavfsizlik va qonunchilik talablariga rioya etilishi masalalari atroflicha oʻrganildi. Koloniya xodimlarining xizmat olib borish tartibi, xizmat intizomi, moddiy-texnik taʼminoti va infratuzilmaning holati koʻzdan kechirildi.
Shuningdek, Qanlikoʻl tumani Ichki ishlar boʻlimida jamoat xavfsizligini taʼminlash, huquqbuzarliklarning oldini olish, fuqarolar murojaatlari bilan ishlash hamda profilaktik tadbirlarni tashkil etish boʻyicha amalga oshirilayotgan ishlar tahlil qilindi. Xodimlarning xizmat faoliyati, ish jadvali, xizmat sharoitlari va mavjud muammolar yuzasidan masʼul rahbarlar bilan fikr almashildi.
Oʻrganish yakunlari boʻyicha aniqlangan kamchilik va muammolarni bartaraf etish, xizmat samaradorligini yanada oshirish, qonun ustuvorligini taʼminlash hamda aholi bilan ishlash tizimini takomillashtirish yuzasidan tegishli koʻrsatma va tavsiyalar berildi. Shu bilan birga, ichki ishlar organlari faoliyatida zamonaviy yondashuvlarni joriy etish, xodimlarning kasbiy salohiyatini oshirishga alohida eʼtibor qaratish lozimligi taʼkidlandi.