Oʻzbekiston Respublikasi Kriminologiya tadqiqot institutida yil yakuniga bagʻishlangan tadbir boʻlib oʻtdi
2026-01-01 07:35:00 / Yangiliklar
Oʻzbekiston Respublikasi Kriminologiya tadqiqot institutida 2025-yil yakunlariga bagʻishlangan tantanali tadbir tashkil etildi. Unda yil davomida institut tomonidan amalga oshirilgan ilmiy-tadqiqot ishlari, amaliy faoliyat yoʻnalishlari, xalqaro va mahalliy hamkorlik doirasidagi loyihalar hamda erishilgan muhim natijalar keng muhokama qilindi.
Tadbir davomida kriminologik tadqiqotlar sifatini yanada oshirish, jinoyatchilikning oldini olishga qaratilgan ilmiy-amaliy tashabbuslarni takomillashtirish, profilaktika tizimi samaradorligini kuchaytirish borasida amalga oshirilgan ishlar alohida eʼtirof etildi. Shuningdek, kelgusi yil uchun ustuvor vazifalar, istiqbolli rejalar va ilmiy yoʻnalishlar belgilab olindi.
Tadbir bayramona ruhda oʻtib, institut faoliyatiga munosib hissa qoʻshgan xodimlar ragʻbatlantirildi. Ularning masʼuliyatli mehnati, tashabbuskorligi va fidoyiligi jamoa tomonidan yuqori baholandi.