Navoiy viloyati IIBda navbatdagi shaxsiy qabul oʻtkazildi
2025-12-30 10:30:00 / Yangiliklar
Fuqarolar murojaatlarini tinglash, ularning dard-tashvishlariga bevosita quloq tutish va muammolarini joyida hal etish maqsadida Navoiy viloyati Ichki ishlar boshqarmasi boshligʻi tomonidan navbatdagi shaxsiy qabul oʻtkazildi.
Qabul jarayonida fuqarolar tomonidan turli masalalar — huquqbuzarliklarning oldini olish, tergovga oid murojaatlar, profilaktika ishlar, maʼmuriy va ijtimoiy muammolar yuzasidan taklif va shikoyatlar bildirildi.
Har bir murojaat IIB boshligʻi tomonidan diqqat bilan tinglanib, qonun doirasida tegishli tushuntirishlar berildi. Ayrim murojaatlar joyida hal etilgan boʻlsa, qoʻshimcha oʻrganish talab etuvchi masalalar boʻyicha masʼul xizmatlarga aniq topshiriqlar berildi hamda ijrosi nazoratga olindi.
Shaxsiy qabullar aholi bilan muloqotni mustahkamlash, ichki ishlar organlari faoliyatining ochiqligini taʼminlash va fuqarolar ishonchini yanada oshirishga xizmat qiladi.
Navoiy viloyati IIB Axborot xizmati