Qoraqalpogʻiston Respublikasi Ichki ishlar vaziri tomonidan jismoniy va yuridik shaxslarning murojaatlarini koʻrib chiqish yuzasidan navbatdagi shaxsiy qabul oʻtkazildi
2025-12-29 10:30:00 / Yangiliklar
Qoraqalpogʻiston Respublikasi Ichki ishlar vaziri polkovnik Baxtiyar Torebekov tomonidan oʻtkazilgan shaxsiy qabul jarayonida fuqarolar hamda tashkilot va muassasalar vakillarining qonuniy manfaatlari va huquqlariga daxldor masalalari boʻyicha murojaatlari tinglandi. Xususan, fuqarolar tomonidan tergov jarayonlari bilan bogʻliq masalalar, shuningdek, fuqarolarning qonuniy manfaatlari hamda ichki ishlar organlari faoliyatiga oid masalalar yuzasidan murojaatlar qabul qilindi.
Kelib tushgan barcha murojaatlar belgilangan tartibda roʻyxatga olinib, har biri boʻyicha qonunchilik talablariga muvofiq tegishli qarorlar qabul qilish hamda ijrosini taʼminlash yuzasidan masʼul sohaviy xizmat rahbarlariga aniq topshiriqlar berildi. Nazorat talab etuvchi masalalar Ichki ishlar vazirligi rahbariyati tomonidan alohida nazoratga olindi.
Qoraqalpogʻiston Respublikasi IIV Axborot xizmati