Namanganning eng faol yoshlari eʼtirof etildi
2025-12-28 11:25:00 / Yangiliklar
2025-yilda yoshlar siyosatida amalga oshirilgan ishlar sarhisob qilindi. Uning natijalariga koʻra, Namangan shahridagi “Maʼrifat maskani”da tantanali taqdirlash marosimi boʻlib oʻtdi.
Unda viloyatdagi huquqni muhofaza qiluvchi idoralar, Davlat va jamoat tashkilotlari rahbarlari, yoshlar vakillari ishtirok etdilar.
Namangan viloyati hokimi Shavkatjon Abdurazzoqov tabrik soʻzida barchani Yangi yil bilan qutlab, Prezidentimiz boshchiliklarida yoshlar mamlakatimiz taraqqiyoti va kelajagi uchun masʼul avlod sifatida doimo eʼtiborda ekanini taʼkidladi.
Shundan soʻng viloyatimizning yil davomida yuqori natijalarga erishgan bir qator faol va iqtidorli yoshlari, turli tanlovlar gʻoliblari, mahalla yettiligi vakillari, yoshlar yetakchilari, otaliqqa olingan hamda ishsiz yoshlar bilan ishlashda faollik koʻrsatgan kuch tuzilmalari hamda masʼul idoralar xodimlari viloyat hokimining “Tashakkurnoma”si hamda esdalik sovgʻalari tantanali ravishda topshirildi.
Namangan viloyati IIB Axborot xizmati