Ichki ishlar organlari tizimida oʻtkazilayotgan “Yoshlar haftaligi-2025” doirasida “Rahbar va yoshlar“ formatidagi ochiq muloqot oʻtkazildi
2025-12-27 20:35:00 / Yangiliklar
Bugungi kunda barcha sohalarda boʻlgani kabi, ichki ishlar organlarida ham yosh xodimlarni professional kadrlar sifatida shakllantirish, xorijiy davlatlarning ilgʻor tajribalari asosida ularning bilim va malakasini oshirish, shuningdek, ularni Vatanga sadoqat va xizmat qasamyodiga sodiqlik ruhida tarbiyalash boʻyicha bir qator ustuvor vazifalar belgilab berilgan.
Shu munosabat bilan bugun Ichki ishlar vazirligi binosida Ichki ishlar vaziri maslahatchisi, podpolkovnik Xurshidbek Roʻziyev hamda Maʼnaviy-maʼrifiy ishlar xizmati boshligʻi oʻrinbosari polkovnik Jamshid Sultanovlar ishtirokida Vazirlik Yoshlar ittifoqi yetakchilar kengashi masʼul xodimlari va hududlarda xizmat olib borayotgan yoshlar yetakchilari bilan “Rahbar va yoshlar uchrashuvi“ tashkil etildi.
Tadbir davomida yosh xodimlarning fikr-mulohazalari, taklif va tashabbuslari tinglandi.
Shuningdek, ularga xizmat faoliyati jarayonida xizmat intizomini mustahkamlash, qonunchilik talablariga qatʼiy rioya etish, fuqarolar bilan muomala madaniyatini oshirish hamda kasbiy mahoratni doimiy ravishda rivojlantirib borish yuzasidan tavsiyalar berildi.