IIV Malaka oshirish institutida “podpolkovnik” unvoniga tayyorlov kurslari yakunlandi
2025-12-26 14:55:00 / Yangiliklar
Ichki ishlar vazirligi Malaka oshirish institutida Ichki ishlar organlarida uzluksiz oʻquv-karyera jarayoni tizimi asosida kadrlarni tayyorlash boʻyicha navbatdagi maxsus malaka oshirish oʻquv kurslarida ichki ishlar organlarining turli sohaviy xizmatlaridan 127 nafar xodimlar “podpolkovnik” maxsus unvoni olish yoʻnalishida oʻquv tayyorgarlikdan oʻtkazildi.
Oʻquv mashgʻulotlari Institut professor-oʻqituvchilari hamda vazirlik sohaviy xizmatlari bilan hamkorlikda zamon talablari asosida ishlab chiqilgan oʻquv dasturlari asosida aloqa va axborot texnologiyalaridan keng foydalangan holda interfaol usullarda olib borildi.
Oʻquv kursi yakunida oʻtkazilgan sinov va imtihonlarni muvaffaqiyatli tamomlagan tinglovchilarga belgilangan namunadagi sertifikatlar topshirildi.
Tadbirda soʻzga chiqqan tinglovchilar bugungi sertifikat va oladigan navbatdagi “podpolkovnik” maxsus unvon katta masʼuliyat yuklashini taʼkidlab, oʻquv kursi davomida oʻrganganlari xizmat faoliyatini tashkil etishda oʻz samarasini berishini eʼtirof etdilar.
IIV Malaka oshirish instituti Matbuot xizmati