Buxoro viloyati IIBda Ichki ishlar vaziri oʻrinbosari rahbarligida tanqidiy-tahliliy yigʻilish oʻtkazildi
2025-12-24 20:45:00 / Yangiliklar
Buxoro viloyati IIB shaxsiy tarkibi bilan oʻtkazilgan yigʻilishda xizmat intizomi va qonunchilikni mustahkamlash, xodimlar tomonidan turli koʻrinishdagi salbiy holatlar sodir etilishini oldini olish, xususan, korrupsion turdagi jinoyatlarni keltirib chiqaruvchi omillarni oʻz vaqtida aniqlash va bartaraf etish mavzulari yuqori koʻtarildi.
Shuningdek, barcha rahbarlarga qoʻl ostidagi shaxsiy tarkibni kunlik nazorat qilish jarayonida har bir xodimga individual tarzda yondashishlari, ularning xizmat faoliyati, ijtimoiy-oilaviy ahvoli, ruhiy-psixologik holatini inobatga olgan holda vazifa va topshiriqlar berilishi va har bir rahbar oʻz qoʻl ostidagi xodimlariga javobgar ekanligi taʼkidlandi.
Bundan tashqari, ichki ishlar organlarini xalqchil va professional tuzilmaga aylantirish borasida ijobiy ishlarni jadallashtirish, xodimlarni jangovar va jismoniy shayligini, bilim darajalarini yanada oshirish maqsadida, qator chora-tadbirlar belgilab berildi.
Buxoro viloyati IIB Axborot xizmati