Qorovul qoʻshinlari qoʻmondonligi 7531-sonli harbiy qism harbiy xizmatchilariga bir qator ustuvor vazifalar belgilandi
2025-12-22 12:45:00 / Yangiliklar
Oʻzbekiston Respublikasi Ichki ishlar vaziri oʻrinbosari, general-mayor Baxodir Mirzarahimov IIV Qorovul qoʻshinlari tasarrufidagi 7531-sonli harbiy qismda boʻlib, harbiy xizmatchilar bilan uchrashuv oʻtkazdi hamda ularni kirib kelayotgan Yangi yil bayrami bilan qutladi.
Uchrashuv davomida xizmat intizomi, harbiy tayyorgarlikni yanada mustahkamlash, shaxsiy tarkibning maʼnaviy-axloqiy holatini yuksaltirish hamda xizmat faoliyatidagi dolzarb masalalar muhokama qilindi. Shuningdek, harbiy xizmatchilarning taklif va murojaatlari tinglanib, ularni hal etish yuzasidan tegishli koʻrsatmalar berildi.
General-mayor Baxodir Mirzarahimov harbiy xizmatchilarga sogʻlik-salomatlik, oilaviy baxt, xizmat faoliyatida muvaffaqiyatlar tilab, Yangi yilda zimmalariga yuklatilgan vazifalarni vijdonan va yuksak masʼuliyat bilan bajarishlariga ishonch bildirdi.
Tadbir davomida vazir oʻrinbosari askarlarni xizmat qilishlari uchun yaratilayotgan shart-sharoitlarni koʻzdan kechirib ularni, yotoqxona, oshxona va boshqa maishiy xizmat koʻrsatish xonalarini koʻzdan kechirib, intizombuzarlik holatlariga yoʻl qoʻymasliklari va askarlarni bir-birlari bilan xushmuomala boʻlishlarini aytib oʻtdilar.
IIV Transport va turizm obyektlarida xavfsizlikni taʼminlash departamenti Axborot guruhi