IIV ishchi guruhi tomonidan Namangan viloyati IIBda vazirlik Akademiyasi magistraturasiga istiqbolli nomzodlarni saralash maqsadida dastlabki saralash tadbirlari oʻtkazildi
2025-12-22 12:30:00 / Yangiliklar
Ichki ishlar vaziri huzurida oʻtkazilgan yigʻilishda berilgan topshiriqlar ijrosini taʼminlash, ichki ishlar organlari uchun yuqori malakali va zamonaviy bilimlarga ega boʻlgan kadrlar zaxirasini shakllantirish, shuningdek, 2026-2027 oʻquv yilida Ichki ishlar vazirligi akademiyasi magistraturasiga istiqbolli nomzodlarni saralash maqsadida, Namangan viloyati IIBda IIV ishchi guruhi tomonidan Akademiya magistraturasiga dastlabki saralash tadbirlari oʻtkazildi.
Dastlab, Magistraturaga oʻqishga kirish uchun Ichki ishlar vazirining 2024-yil 21-oktyabrdagi 411-son buyrugʻida belgilangan talablarga mos keladigan rahbar xodimlar roʻyxati shakllantirilib, nomzodlarni test sinovi orqali kasbiy bilim va malakalari, mantiqiy fikrlash hamda murakkab vaziyatlardan chiqib keta olish koʻnikmalari tekshirildi.
Test sinovlaridan muvaffaqiyatli oʻtgan nomzodlardan suhbat asosida yuksak shaxsiy va kasbiy fazilatlarga ega, “Vatanga sadoqat bilan xizmat qilish”ni oʻz xizmat burchi sifatida soʻzsiz bajaradigan istiqbolli nomzodlar saralab olindi.
Suhbat jarayonida nomzodlarning mamlakatimizda ichki ishlar organlari tizimida amalga oshirilayotgan islohotlarning mazmun-mohiyatini chuqur anglab yetishiga boshqaruv qobiliyati va favqulodda vaziyatlarda mustaqil qaror qabul qilish koʻnikmalariga tizimli va tahliliy fikrlashi hamda yetakchilik sifatlariga egaligiga alohida eʼtibor qaratildi.
Dastlabki saralash bosqichidan oʻtgan nomzodlardan akademiya magistraturasining “tashkiliy-taktik boshqaruv” hamda “tashkiliy-strategik boshqaruv” mutaxassisliklari boʻyicha nomzodlarning roʻyxatlari shakllantirildi.
Namangan viloyati IIB Axborot xizmati