Andijon viloyati IIB boshligʻining navbatdagi shaxsiy qabuli boʻlib oʻtdi
2025-12-21 19:35:00 / Yangiliklar
Fuqarolarning murojaatlarini oʻrganish, ularning muammolariga bevosita yechim topish hamda aholiga yanada qulay shart-sharoitlar yaratish maqsadida Andijon viloyati Ichki ishlar boshqarmasi boshligʻi tomonidan navbatdagi shaxsiy qabul oʻtkazildi.
Qabul davomida fuqarolar tomonidan bildirilgan har bir murojaat atroflicha tinglanib, amaldagi qonunchilik doirasida tushuntirishlar berildi.
Ayrim masalalar joyida ijobiy hal etilgan boʻlsa, qoʻshimcha oʻrganish talab etadigan murojaatlar boʻyicha masʼul xizmat va boʻlinmalarga aniq topshiriqlar berildi hamda ijrosi qatʼiy nazoratga olindi.
Shaxsiy qabul fuqarolar bilan ochiq va samimiy muloqot muhitida oʻtib, aholi dardini eshitish, mavjud muammolarni tizimli hal etishga qaratilganligi bilan ham ahamiyatli boʻldi.
Andijon viloyati Ichki ishlar boshqarmasi tomonidan fuqarolarning qonuniy manfaatlarini himoya qilish, murojaatlar bilan ishlash sifati va samaradorligini oshirish borasidagi ishlar izchil davom ettiriladi.
Andijon viloyati IIB Axborot xizmati