IIV Akademiyasida aralash jang sanʼati murabbiylari va hakamlari uchun oʻquv-seminar boʻlib oʻtdi
2025-12-20 10:00:00 / Yangiliklar
Oʻzbekiston aralash jang sanʼatlari assotsiatsiyasi tomonidan tashkil etilgan oʻquv-seminarga respublikamizning barcha hududlaridan 200 dan ortiq murabbiy va hakamlar jalb qilindi.
Ishtirokchilar sportchilarni professional darajada tayyorlash, janglarni yuqori saviyada boshqarish, odilona hakamlik qilish, ziddiyatli vaziyatlarda toʻgʻri qaror qabul qilish, etika qoidalariga rioya qilish va boshqa mezonlar boʻyicha bilim hamda tajribalarini oshirdilar.
Shuningdek poytaxtimizdagi “JAR” sport-sogʻlomlashtirish majmuasida amaliy mashgʻulotlar tashkil qilinib, yakunda sinovlardan muvaffaqiyatli oʻtgan murabbiy va hakamlarga sertifikat topshirildi.
Oʻquv-seminar bilim va tajribalarni almashish, xalqaro va respublika miqyosidagi musobaqalarni yuqori saviyada tashkillashtirish, aralash jang sanʼatini yanada ommalashtirishga qaratilgani bilan ahamiyatli boʻldi.
IIV Akademiyasi Axborot xizmati