Zamonaviy ekspertiza yoʻnalishlari boʻyicha oʻquv kurslari yakunlandi
2025-12-18 21:20:00 / Yangiliklar
Oʻzbekiston Respublikasi Prezidentining 2022-yil 8-fevraldagi PQ–122-sonli “Ichki ishlar organlarining ekspert-kriminalistika faoliyatini zamonaviy ilm-fan yutuqlarini keng joriy etgan holda yanada takomillashtirish chora-tadbirlari toʻgʻrisida”gi qarori ijrosini taʼminlash maqsadida, ichki ishlar organlari ekspert-kriminalistika boʻlinmalari xodimlarini qayta tayyorlash va ularning kasbiy malakasini oshirishga qaratilgan oʻquv yigʻinlarini tashkil etish rejalashtirildi.
Mazkur qaror talablariga muvofiq, “Elektr taʼsirli va gazli qurollar ekspertizasi”, shuningdek “Pirotexnika buyumlari ekspertizasi” yoʻnalishlari boʻyicha qayta tayyorlash oʻquv kurslari tashkil etilib, oʻtkazildi.
Oʻquv kurslari yakunlariga koʻra, belgilangan dasturlarni toʻliq oʻzlashtirgan jami 18 nafar xodimga belgilangan namunadagi guvohnomalar rasmiylashtirilib berildi.
IIV Ekspert-kriminalistika bosh markazi