“Xavfsiz va sogʻlom yurt” tadbirlari doirasida qidiruvda boʻlgan firibgar Turkiyada ushlandi
2025-12-01 00:00:00 / Yangiliklar
“Xavfsiz va sogʻlom yurt” keng qamrovli tezkor profilaktik tadbirlari doirasida Oʻzbekiston Respublikasi Ichki ishlar vazirligi Tezkor-qidiruv departamenti hamda mamlakatimizning Istanbul shahridagi Bosh konsulxonasi bilan hamkorlikda olib borilgan tezkor-qidiruv tadbirlari natijasida O'zbekiston Respublikas JKning 168-moddasi 4-qismida nazarda tutilgan jinoyatni sodir etishda ayblangan fuqaro Turkiya Respublikasi hududida qoʻlga olindi.
1980-yilda tugʻilgan mazkur shaxs oʻn nafardan ortiq fuqaroga yuk tashuvchi transport vositasini olib berishni vaʼda qilib, firibgarlik yoʻli bilan jami 3 mlrd 607 mln soʻmdan ortiq mablagʻni qoʻlga kiritgan.
2023-yildan buyon Yunusobod tumani IIO FMB tomonidan qidiruvga e'lon qilingan fuqaroning Turkiya Respublikasi Istanbul shahrida yashirinib yurgani aniqlanib, oʻtkazilgan tezkor tadbirlar davomida qo'lga olindi va Oʻzbekistonga qaytarildi.
IIV Tezkor-qidiruv departamenti