Qoraqalpogʻiston Respublikasi IIV rahbariyatining navbatdagi shaxsiy qabuli oʻtkazildi
2025-12-15 18:00:00 / Yangiliklar
Shaxsiy qabul davomida fuqarolar tomonidan ichki ishlar organlari faoliyatiga taalluqli, masalalar, tergov va surishtiruv ishlari, shuningdek, xizmat bilan bogʻliq boshqa masalalar yuzasidan murojaatlar bildirildi.
Vazir tomonidan har bir murojaat diqqat bilan tinglanib, qonunchilik doirasida tegishli tushuntirishlar berildi. Ayrim masalalar boʻyicha masʼul idora va boʻlinmalar rahbarlariga aniq topshiriqlar yuklatilib, murojaatlarni oʻz vaqtida va sifatli hal etish yuzasidan nazorat oʻrnatildi.
Shuningdek, qabul jarayonida fuqarolarning huquq va manfaatlarini himoya qilish, ichki ishlar organlari faoliyatining ochiqligi va shaffofligini taʼminlash, aholi bilan muloqotni yanada kuchaytirish muhimligi alohida taʼkidlandi.
Bunday shaxsiy qabullar fuqarolarning murojaatlarini oʻrganish, mavjud muammolarni joyida hal etish hamda aholining ichki ishlar organlariga boʻlgan ishonchini mustahkamlashga xizmat qiladi.
Qoraqalpogʻiston Respublikasi IIV Axborot xizmati