IIV huzuridagi Jazoni ijro etish departamenti va Yozuvchilar uyushmasi bilan oʻzaro hamkorlik memorandumi imzolandi
2025-12-14 09:00:00 / Yangiliklar
Mazkur memorandum Jazoni ijro etish tizimi muassasalarida maʼnaviy-maʼrifiy ishlarni yanada kuchaytirish, jazo muddatini oʻtayotgan shaxslar orasida kitobxonlik madaniyatini oshirish, adabiyot va sanʼat orqali ularning ijtimoiy moslashuvini taʼminlashga qaratilgan.
Shuningdek, hamkorlik doirasida taniqli yozuvchi va shoirlar ishtirokida ijodiy uchrashuvlar, adabiy kechalar, mahorat darslarini tashkil etish, badiiy adabiyotlar bilan taʼminlash hamda iqtidorli mahkumlarning ijodiy ishlarini qoʻllab-quvvatlash koʻzda tutilgan.
Memorandumdan koʻzlangan asosiy maqsad — jazoni ijro etish muassasalarida sogʻlom maʼnaviy muhitni shakllantirish, insonparvarlik tamoyillarini mustahkamlash, shaxsni tarbiyalash va uni jamiyatga qayta moslashuviga koʻmaklashishdan iborat.
IIV huzuridagi Jazoni ijro etish departamenti Axborot xizmati