Oʻzbekiston Milliy universitetida “Xavfsiz va sogʻlom yurt” oyligi doirasida profilaktik ochiq davra suhbati oʻtkazildi
2025-12-13 20:40:00 / Yangiliklar
Oʻzbekiston Respublikasi Prezidentining 2025 yil 3-noyabrdagi PF-207-sonli farmoni hamda joriy yil 20-noyabr kunidan 20-dekabr kuniga qadar “Xavfsiz va sogʻlom yurt” oyligi doirasida IIV Tezkor-qidiruv departamenti va Olmazor tumani IIO FMB masʼullari, shuningdek IIB XPB profilaktika inspektorlari bilan hamkorlikda universitet talabalariga “Giyohvandlik vositalari, psixotrop va kuchli taʼsir qiluvchi moddalarning turlari” mavzusida tushuntirishlar olib borildi.
Suhbat jarayonida talabalarga:
Narkotik hamda psixotrop moddalar isteʼmoli va uning savdosiga qarshi kurash;
•Uning ruhiy salomatlikka salbiy taʼsiri
•Jismoniy sogʻliqqa zarari
•Miya faoliyatiga taʼsiri
•Huquqiy oqibatlar
•Ijtimoiy oqibatlar haqida atroflicha tushunchalar berildi.
“Xavfsiz va sogʻlom yurt” oyligi doirasida turli huquqbuzarliklar sodir etmaslik;
•kiberjinoyat va unga aldanmaslik
•ijtimoiy tarmoqlarda turli guruh va kanallarga aʼzo boʻlmaslik
•ijtimoiy tarmoqda turli diniy mazmundagi materiallarni tarqatmaslik, telefonda saqlamaslik, qayta ishlamaslik
•universitetning ichki tartib-qoidasiga amal qilish
•sumkada oʻtkir tigʻli predmetlar olib yurmaslik
•aholini qayta roʻyxatga olish masalalari yuzasidan maʼlumotlar berib oʻtildi.
“Biz giyohvandlikka qarshimiz” mavzusidagi profilaktik tadbirlar respublikamiz hududlari boʻylab davom ettirilmoqda.