Qidiruvda boʻlgan “Gryaz” laqabli jinoiy uyushma yetakchisi ushlandi
2025-12-14 06:00:00 / Yangiliklar
Oʻzbekiston Respublikasi IIV Tezkor-qidiruv departamenti, DXX hamda davlatimizning Istanbul shahridagi Bosh konsulxonasi bilan hamkorlikda olib borilgan tezkor-qidiruv tadbirlari natijasida, mamlakatimiz hududida jinoiy uyushma yetakchisi sifatida bir qator jinoyatlarni sodir etishda ayblanib, qidiruvda boʻlgan va Turkiya davlatida tergovdan yashirinib yurgan “Gryaz” laqabli 1993-yilda tugʻilgan Yo.M., joriy yilning 5-dekabr kuni Oʻzbekistonga qaytarilib, tergov organlariga topshirildi.
Ushbu shaxs Oʻzbekiston Respublikasi Jinoyat kodeksining 112-moddasi 2-qismi, 164-moddasi 4-qismi, 165-moddasi 3-qismi, 173-moddasi 2-qismi va 242-moddasi 1-qismi bilan ayblanib, 2023-yilda Yashnobod tumani IIO FMB tomonidan qidiruvga eʼlon qilingan edi.