IIV Qorovul qoʻshinlari qoʻmondoni tomonidan Navoiy viloyatidagi 7532-sonli harbiy qismda amalga oshirilayotgan ishlar oʻrganildi
2025-12-13 11:15:00 / Yangiliklar
Dastavval IIV Qorovul qoʻshinlari qoʻmondoni rahbarligidagi ishchi guruh tomonidan boʻlinmada harbiy xizmatchilarning kundalik va xizmat faoliyati, ularga yaratilgan shart-sharoitlar, shu bilan bir qatorda boʻlinmada mavjud qish mavsumida isitish tizimining umumiy holati ham atroflicha oʻrganildi.
Shundan soʻng, ishchi guruh tomonidan Navoiy shahridagi Jazoni ijro etish muassasasini qoʻriqlash va himoya qilish uchun tayinlangan Qorovul shaxsiy tarkibi jangovar shayligi belgilangan signallar boʻyicha tekshirilib, ularning harakati sinovdan oʻtkazildi, shuningdek, muassasada jangovar xizmat olib borayotgan harbiy nazoratchilar naryadi uchun ham yaratilgan sharoitlar oʻrganildi.
Amaliy oʻrganishlar yakunida, qoʻshin qoʻmondoni tomonidan muhokama yigʻilishi oʻtkazilib, unda harbiy qism faoliyati umumiy xizmat yoʻnalishlari boʻyicha tahlil qilindi, shuning barobarida aniqlangan nuqson va kamchiliklar boʻyicha harbiy qism masʼullariga aniq vazifa hamda chora-tadbirlar belgilab berildi.
IIV Qorovul qoʻshinlari qoʻmondonligi Axborot guruhi