IIV Malaka oshirish institutida ichki ishlar organlari xodimlarining xizmat madaniyati va imijini oshirish masalalari boʻyicha oʻquv yigʻini tashkil etildi
2025-12-13 11:10:00 / Yangiliklar
Oʻzbekiston Respublikasi Ichki ishlar vaziri, general-leytenant A.A. Tashpulatov rahbarligida hamda Oʻzbekiston Respublikasi Prezidenti Administratsiyasi masʼul rahbari ishtirokida oʻtkazilgan videoselektor yigʻilishida ichki ishlar organlari xodimlarining xizmat madaniyati va imijini oshirish masalalari boʻyicha rahbarlarga keskin tanqidiy eʼtirozlar bildirildi va aniq vazifalar yuklatildi. Ushbu topshiriqlar ijrosini taʼminlash maqsadida Ichki ishlar vazirining farmoyishiga muvofiq, joriy yilning 1-dekabr kuni 104 nafar va 9-dekabr kuni yana 104 nafar shahar-tuman IIB boshliqlarining maʼnaviy-maʼrifiy ishlar boʻyicha oʻrinbosarlari uchun vazirlik Malaka oshirish institutida oʻquv yigʻini tashkil etildi.
Mazkur oʻquv jarayoni doirasida vazirlik Kiberxavfsizlik markazi xodimlari bilan hamkorlikda videoselektor yigʻilishida belgilangan topshiriqlar shaxsiy tarkibga toʻliq yetkazildi. Shuningdek, masʼul rahbarlar va shaxsiy tarkib uchun internet hamda ijtimoiy tarmoqlardan foydalanish madaniyati, axborot xavfsizligi talablariga rioya etish, xizmatda va fuqarolar bilan munosabatlarda raqamli maydonda toʻgʻri xulq-atvor mezonlari boʻyicha amaliy master-klass mashgʻulotlari oʻtkazildi. Oʻquv yigʻini ichki ishlar organlarida axborot madaniyatini yuksaltirish, xodimlar imijini takomillashtirish va raqamli makonda masʼuliyatli faoliyatni taʼminlashga qaratilgan muhim amaliy qadam boʻlib xizmat qildi.
IIV Malaka oshirish instituti