Fargʻona viloyatida Ichki ishlar vazirligi rahbariyati raisligida jinoyatlarni barvaqt oldini olish, tergov sifatini oshirish borasida koʻrilayotgan choralar muhokama qilindi
2025-12-10 13:00:00 / Yangiliklar
Vazir oʻrinbosari polkovnik R.Ashropov raisligida Fargʻona viloyati ichki ishlar boshqarmasida yigʻilish oʻtkazildi.
Videokonferensiya shaklida tashkil etilgan yigʻilishda viloyat IIB rahbariyati, sohaviy xizmat masʼullari, hududiy ichki ishlar organlari boshliqlari, shaxsiy tarkibi, tergov boʻlinmalari boshliqlari, surishtiruvchi va tergovchilar ishtirok etdilar.
Yigʻilishda, jinoyatchilik va huquqbuzarliklarning oldini olish yuzasidan koʻrilayotgan choralar muhokama qilinib, “mahalla yettiligi”, ijtimoiy profilaktikaga masʼul idoralar faoliyati ustidan kunlik nazoratni kuchaytirish, ijtimoiy profilaktika tizimining subyektlari tomonidan jinoyatlar sodir etilishining barvaqt oldini olish yuzasidan topshiriqlar berildi, qayd etilgan kamchiliklar yuzasidan masʼullarning tushuntirish va izohlari eshitildi.
Muhokamada, tergov sifatini oshirish va bu borada yosh xodimlarning kasbiy mahorati bilim va salohiyatini oshirib borish, sud organlari bilan amaliy hamkorlikni yanada yaxshilash va sohaga oid boshqa yoʻnalishlarga ham eʼtibor qaratildi.
Amaliyotda uchrayotgan muammolarni bartaraf etish boʻyicha mutasaddi rahbarlar oldiga aniq vazifalar belgilab berildi.
Fargʻona viloyati IIB Axborot xizmati