Fargʻona viloyati Dangʻara tumanida atmosfera havosini muhofaza qilish boʻyicha tungi reyd tadbiri oʻtkazildi
2025-12-09 09:00:00 / Yangiliklar
Fargʻona viloyati Dangʻara tumani prokurori A.Gʻ. Boboxonov rahbarligida tuman hokimligi, Ekologiya boʻlimi, IIB, Milliy gvardiya, FVV va boshqa masʼul tashkilotlar xodimlaridan iborat tezkor ishchi guruhlari tomonidan atmosfera havosini muhofaza qilish toʻgʻrisidagi qonunchilik talablariga rioya etilishini taʼminlash hamda havoning ifloslanishini oldini olish maqsadida kuni kecha tungi reyd tadbirlari oʻtkazildi.
Tungi reyd davomida Dangʻara tumani “Uvaysiy” MFY hududida joylashgan “Yaxshi Niyat” MCHJning atmosferaga taʼsiri bilan bogʻliq faoliyati oʻrganildi.
Korxonaning atmosferaga chiqarayotgan chiqindilari, filtrlash tizimlari, ishlab chiqarish jarayonida ekologik xavfsizlik qoidalariga qay darajada rioya qilayotgani hamda atrof-muhitni muhofaza qilish boʻyicha amal qilinayotgan meʼyorlar batafsil monitoringdan oʻtkazildi.
Tadbir davomida aniqlangan kamchiliklarni bartaraf etish boʻyicha korxona masʼullariga tegishli koʻrsatmalar berildi.