IIV Akademiyasida ichki ishlar organlari tizimidagi tegishli rahbarlar uchun qisqa muddatli oʻquv yigʻinlarining yakuniy bosqichi tashkil qilindi
2025-12-10 07:15:00 / Yangiliklar
1–6-dekabr kunlari IIV Akademiyasida ichki ishlar organlari tizimidagi tegishli rahbarlar uchun qisqa muddatli oʻquv yigʻinlarining yakuniy bosqichi tashkil qilindi.
Mashgʻulotlarga hududlardan Probatsiya boshqarmalari hamda Jangovar va jismoniy tayyorgarlik boʻlimlari boshliqlari jalb etildi.
Tinglovchilar ichki ishlar organlarida amalga oshirilayotgan keng qamrovli islohotlarning mazmun-mohiyati, sohaga doir normativ-huquqiy hujjatlarning ustuvor yoʻnalishlari, tizimning probatsiya va kadrlar bilan ishlash faoliyatini samarali tashkil qilish, shaxsiy tarkib oʻrtasida xizmat intizomi va qonuniylikni mustahkamlash, xodimlarning xizmat, jangovar-jismoniy va axloqiy-psixologik tayyorgarligini taʼminlash, shuningdek fuqarolar va OAV vakillari bilan muloqot qilish, nostandart vaziyatlarda oʻzini oʻzi boshqarish yuzasidan bilim hamda koʻnikmalarini oshirdilar. Bundan tashqari, joylardagi sayyor mashgʻulotlar davomida tizimdagi yangiliklar bilan tanishib, oʻzaro tajriba almashdilar.
Ichki ishlar vazirligi vakillari va akademiya professor-oʻqituvchilari tomonidan oʻtkazilgan mashgʻulotlar yakunida tinglovchilardan sinov imtihonlari qabul qilindi. Shuningdek oʻquv yigʻini ishtirokchilari taʼlim muassasasi faoliyati bilan tanishdilar.
IIV Akademiyasi Axborot xizmati