Surxondaryo viloyati IIB rahbariyati tomonidan yongʻin va ekologik xavfsizlik choralari tekshirilmoqda oʻrganilmoqda
2025-12-06 12:35:00 / Yangiliklar
Oʻzbekiston Respublikasi IIVning 2025-yil 10-noyabr kunidagi 416-sonli “Respublikada ob-havoning keskin pasayishi, noqulay ob-havo sharoiti natijasida tabiiy gaz, ichimlik suvi va energetika sohalaridagi uzilishlar borasida eʼtirozlar ortib borayotganligi sababli jamoat tartibini saqlash va fuqarolar xavfsizligini taʼminlash toʻgʻrisida”gi farmoyishi ijrosini taʼminlash hamda hududlarda Yongʻin xavfsizligi qoidalariga rioya etilishi, har xil koʻngilsiz holatlarning oldini olish maqsadida, joriy yilning 5-dekabr kuni viloyat IIB boshligʻi polkovnik Timur Ismailov hamda viloyat Favqulodda vaziyatlar boshqarmasi boshligʻi, podpolkovnik Sharof Shukurovlar tomonidan viloyat hududida faoliyat olib borayotgan oziq – ovqat va tijorat bozorlarida, yongʻin xavfsizligi, ekologik muhitni yaxshilash, qish mavsumini betalofat oʻtkazish va obodonlashtirish borasida amalga oshirilgan ishlar holati oʻrganildi.
Oʻrganish davomida, masʼullarga bozor hududida faoliyat olib borayotgan savdo nuqtalarida yongʻin xavfsizligi qoidalariga amal qilinishi, isitish tizimlari, qoʻlbola gaz va elektr pechlardan foydalanmaslik, ekologiya va atrof-muhitga zaharli is gazlari va moddalar chiqishining oldini olish yuzasidan tegishli topshiriqlar berilib, tadbirkorlik subyektlari yangi zamonaviy ekologik texnologiyalarga oʻtishi zarurligi uqtirilib, bozor mutasaddilariga ekologiya va atrof muhitni asrash yuzasidan nazoratni kuchaytirish, aholiga xizmat koʻrsatuvchi oshxonalarning dud boʻronlariga maxsus filtrlar oʻrnatish, bozor ishchi xizmatchi xodimlariga hamda tadbirkorlarga xavfsizlik qoidalariga rioya qilishlari, yongʻin oʻchirish avtomobillarining erkin harakatlanishini tadbirkorlar tomonidan oʻzboshimchalik bilan toʻsib qoʻymasliklari yuzasidan tegishli topshiriqlar berildi.
Bu boradagi oʻrganish ishlari viloyat boʻylab davom etmoqda.
Surxondaryo viloyati IIB Axborot xizmati