IIV Akademiyasida Oʻzbekiston va Moldova oʻrtasida odam savdosiga qarshi kurashish masalalari boʻyicha uchrashuv boʻlib oʻtdi
2025-12-05 10:00:00 / Yangiliklar
Joriy yil 3-dekabr kuni IIV Akademiyasida Xalqaro migratsiya tashkiloti koʻmagida Moldova Respublikasi IIV Politsiya bosh inspeksiyasi Odam savdosiga qarshi kurashish markazi boshligʻi V.Pshenichniy hamda Oʻzbekiston Respublikasi mutasaddi vazirlik va idoralar vakillari oʻrtasida uchrashuv boʻlib oʻtdi.
Uchrashuvda tomonlar bugungi kunda odam savdosiga qarshi kurashish va uni oldini olish borasida ishtirok etuvchi Oʻzbekiston va Moldova masʼul idoralari oʻrtasida ilgʻor tajriba almashish, hamkorlik aloqalarini mustahkamlash va kelgusida birgalikdagi bir qator muhim masalalarni amalga oshirishni kelishib oldilar.
Shuningdek, tadbirda Moldova IIV delegatsiyasiga Akademiya faoliyati bilan yaqindan tanishtirildi.
Mehmonlarga bakalavriat va magistratura bosqichlari, mutaxassislik yoʻnalishlari, taʼlim dasturlari, dars mashgʻulotlarida qoʻllanilayotgan innovatsion yondashuvlar, ilmiy salohiyat koʻrsatkichlari, xalqaro hamkorlik aloqalari, shuningdek oʻquv xonalarida yaratilgan sharoitlar, moddiy-texnik bazani rivojlantirish borasida amalga oshirilayotgan ishlar haqida batafsil maʼlumot berildi.
Doʻstona va konstruktiv ruxda oʻtgan uchrashuv yakunida Moldova Respublikasi IIV Odam savdosiga qarshi kurashish markazi bilan hamkorlikda istiqboldagi vazifalar belgilab olindi.