Jinoyat jazosiz qolmaydi, Misr Arab Respublikasida yashiringan jinoyatchi Oʻzbekistonga deportatsiya qilindi
2025-12-05 09:05:00 / Yangiliklar
Interpolning Toshkent va Qohiradagi Milliy markaziy byurolari xodimlarining oʻzaro hamkorligi, izlanishlari va tezkor ishlari natijasida ogʻir turdagi jinoyatni sodir etganligi uchun Interpol kanallari orqali xalqaro qidiruvda boʻlgan shaxs Misr Arab Respublikasida yashirinib yurganligi aniqlandi va qoʻlga olindi.
Jinoyatchi xalqaro shartnomalarda belgilangan tartibda Oʻzbekiston Respublikasiga deportatsiya qilindi. Oʻzbekiston Respublikasida olib borilayotgan islohotlar, xususan huquqni muhofaza qiluvchi organlarining xorijiy davlatlar bilan oʻzaro hamkorlikda olib borayotgan keng koʻlamli ishlari oʻzining ijobiy natijalarini bermoqda.
Oʻzbekiston Respublikasiga deportatsiya qilingan shaxs sodir etgan jinoyati uchun qonun oldida javob beradi.
Interpolning Oʻzbekiston Respublikasidagi Milliy markaziy byurosi