Oʻzbekiston hamda Vyetnam Interpol Milliy markaziy byurolari hamkorligida olib borilgan tezkor tadbirlar natijasida jinoyatchi firibgar qoʻlga olindi
2025-12-05 00:05:00 / Yangiliklar
Vyetnamdan Interpol kanallari orqali qidiruvda boʻlgan fuqaro Oʻzbekiston Respublikasiga deportatsiya qilindi. Toshkent va Xanoi Interpol Milliy Markaziy Byurolari xodimlarining yaqin hamkorligi va olib borilgan tezkor ishlar natijasida Vyetnamda yashirinib yurgan Oʻzbekiston fuqarosi qoʻlga olindi va deportatsiya qilindi. Ushbu shaxs huquqni muhofaza qilish organlari tomonidan Oʻzbekiston hududida sodir etilgan iqtisodiy va mulkiy jinoyatlarga oid ayblovlar boʻyicha qidiruvda boʻlgan boʻlib endi u sodir etgan jinoiy harakatlari uchun qonun oldida javob beradi.
Interpolning Oʻzbekiston Respublikasidagi Milliy markaziy byurosi