Xalq deputatlari Namangan viloyati Kengashining oʻn oltinchi sessiyasi boʻlib oʻtdi
2025-12-04 13:50:00 / Yangiliklar
Namangan shahridagi “Maʼrifat maskani”da oʻtkazilgan sessiyada viloyat kengashi deputatlari, viloyat hokimi va uning oʻrinbosarlari, huquqni muhofaza qiluvchi organlar, tegishli tashkilot va muassasalar rahbarlari hamda ommaviy axborot vositalari vakillari ishtirok etdilar.
Sessiyada viloyatning 2025-yildagi ijtimoiy-iqtisodiy rivojlanishi, huquq-tartibot yoʻnalishida amalga oshirilgan ishlar, mahalliy byudjet ijrosi hamda tarmoqlar boʻyicha boshqa muhim masalalar atroflicha koʻrib chiqildi.
Shuningdek, viloyat IIB boshligʻi tomonidan joriy yilning 9 oyi davomida jinoyatchilikni oldini olish, jamoat xavfsizligini taʼminlash va huquqbuzarliklar profilaktikasi borasida amalga oshirilgan ishlar hamda kelgusidagi ustuvor vazifalar yuzasidan maʼlumot berildi.
Shundan soʻng, Yoʻl harakati xavfsizligi boshqarmasi boshligʻi tomonidan viloyat hududi boʻylab yoʻl harakati xavfsizligini taʼminlash va yoʻl infratuzilmasini yaxshilash boʻyicha amalga oshirilgan ishlar sessiya ishtirokchilariga yetkazildi.
Namangan viloyati IIB Axborot xizmati