Fargʻona viloyatining Qoʻqon shahrida giyohvand modda sotishga uringanlar ushlandi
2025-12-03 15:00:00 / Yangiliklar
Yurtimizda Oʻzbekiston Respublikasi Prezidentining “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida“gi farmoni ijrosini taʼminlash maqsadida kompleks tezkor-qidiruv tadbirlari amalga oshirilmoqda.
IIV Tezkor qidiruv departamenti va uning hududiy boʻlinmalari xodimlari tomonidan Fargʻona viloyatining Qoʻqon shahrida giyohvandlik vositalari noqonuniy muomalasi bilan bogʻliq jinoiy holat aniqlandi.
Muqaddam Jinoyat kodeksining 273-moddasi va 276-moddasi bilan sudlangan 1984-yilda tugʻilgan shaxs va uning jinoiy sherigi 1985-yilda tugʻilgan fuqaro bilan til biriktirib, xaridordan 20 000 AQSH dollari evaziga 1 kg gashish giyohvandlik vositasini sotayotgan vaqtida ushlanib, ashyoviy dalillar hujjatlashtirib olindi.
Ushbu narkosavdogarlarga nisbatan jinoyat kodeksining 273-moddasi 5-qismi bilan jinoyat ishi qoʻzgʻatilib, qamoq ehtiyot chorasi qoʻllanilgan.
IIV Tezkor qidiruv departamenti