Ichki ishlar vazirligi rahbariyati huzurida Prezident Farmoni ijrosi yuzasidan videoselektor yigʻilishi oʻtkazildi
2025-12-03 09:00:00 / Yangiliklar
Oʻzbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF-207-son Farmoni ijrosi yuzasidan videoselektor yigʻilishi oʻtkazildi.
Joriy yilning 1-dekabr kuni Ichki ishlar vazirligi Huquqbuzarliklar profilaktikasi xizmati rahbariyati huzurida Oʻzbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF-207-son Farmoni ijrosi hamda Ichki ishlar organlari huquqbuzarliklar profilaktikasi boʻlinmalari tomonidan amalga oshirilayotgan profilaktik ishlar yuzasidan videoselektor yigʻilishi oʻtkazildi.
Huquqbuzarlik profilaktikasi xizmati tomonidan aholi salomatligi va millat genofondini giyohvandlik va narkojinoyatlardan samarali himoya qilish boʻyicha tegishli koʻrsatmasi hamda farmon ijrosi yuzasidan amalga oshirilgan ishlarni umumlashtirish uchun hisobot jadvali ishlab chiqildi.
Mazkur topshiriq ijrosi yuzasidan bir qator ijobiy ishlar amalga oshirildi.
Jumladan, Ichki ishlar organlarining barcha profilaktika inspektorlarini xizmat olib borayotgan mahallalar hududida gʻayriqonuniy narkolaboratoriyalar va kuchli taʼsir qiluvchi dori vositalarini qoʻlbola usulda qadoqlovchi sexlarni aniqlash boʻyicha oʻqitish amaliyoti joriy etilmoqda.
Yoshlar, ota-onalar hamda pedagoglarni giyohvandlik va narkojinoyatlarning salbiy oqibatlaridan ogohlikka chaqiruvchi qoʻshma murojaat tayyorlanib va keng jamoatchilikka yetkazilmoqda.
Umumtaʼlim maktablari oʻqituvchi va inspektor-psixologlari tomonidan oʻquvchilarning zararli odatlari toʻgʻrisida ota-onalarini xabardor qilish mexanizmi yaratilmoqda.
IIV Jamoat xavfsizligi departamenti Axborot xizmati