Ekologiyani muhofaza qilish choralari jadallashmoqda
2025-12-03 08:00:00 / Yangiliklar
Oʻzbekiston Respublikasi Prezidenti Administratsiyasi, IIV, Milliy Gvardiya masʼullari tomonidan Toshkent viloyati tumanlarida issiqxonalardagi qozonlarga filtr oʻrnatilmaganligi natijasida atmosfera havosini ifloslantirayotganligi holatlari oʻrganildi.
Oʻrganishlar davomida Toshkent tumani Avliyo ota mahallasida joylashgan “Deyli green MCHJ”ga tegishli issiqxona, shuningdek tumanning Raxborobod mahallasidagi 2 gektar issiqxonasining qozonxonalarida yoqilgʻi uchun belgilanmagan turdagi yoqilgʻi ishlatilishi va issiqxonada samarasiz qoʻlbola filtr uskunasi oʻrnatilganligi aniqlandi. Har ikki holat boʻyicha havo ifloslanishi omillari bartaraf etilib, issiqxona rahbarlariga Oʻzbekiston Respublikasi MJtKning tegishli moddalari bilan bayonnoma rasmiylashtirilishi taʼminlandi.
Mutaxassislar tomonidan issiqxona egalariga ekologiyaga zararni oldini olishda yonilgʻi ishlatish talablari, shuningdek oʻrnatilishi lozim boʻlgan filtr qurilmalarining meʼyorlari, chiqindilarni belgilangan tartibda yoʻq qilish borasidagi zaruriy tushuntirishlar berildi.
Atrof-muhitga salbiy taʼsir koʻrsatayotgan ekologik omillar boʻyicha monitoring va atmosfera havosini ifloslantirishga qarshi kurashi boʻyicha hamkorlikdagi tadbirlar boshqa hududlarda ham davom ettirilmoqda.