Namangan viloyati IIB rahbariyatining navbatdagi kompleks oʻrganish ishlari Mingbuloq tumanida davom ettirildi
2025-11-30 11:00:00 / Yangiliklar
Boshqarma rahbariyatining tizimli ravishda olib borayotgan oʻrganish ishlari natijasida mahallalarda xavfsiz muhitni mustahkamlash, kriminogen vaziyatni barqaror saqlash va jinoyatchilikning oldini olish boʻyicha amalga oshirilayotgan chora-tadbirlarning samaradorligi ortib bormoqda.
Xususan, Mingbuloq tumanida oʻtkazilgan oʻrganishlar davomida dastlab tuman markazida xizmat olib borayotgan tungi naryadlarga yoʻriqnoma oʻtkazilib, xodimlarga xizmatni samarali tashkil etish boʻyicha tegishli koʻrsatmalar berildi.
Shuningdek, “Oybek” mahallasi profilaktika inspektorining faoliyati oʻrganilib, oʻtgan davr mobaynida jinoyatchilikning oldini olish borasida amalga oshirgan ishlari muhokama qilindi va mavjud kamchiliklarni bartaraf etish boʻyicha topshiriqlar berildi.
Bundan tashqari, tuman elektr tarmoqlari korxonasining qish mavsumiga tayyorgarlik jarayoni, texnika vositalari va ehtiyot qismlarning sozligi koʻzdan kechirildi. Aholiga yetkazib berilayotgan elektr energiyasining uzluksizligini taʼminlash borasidagi mutaxassislarning axborotlari tinglandi.
Shu bilan birga, 14-sonli maktabning isitish tizimi, sinf xonalarida yaratilgan sharoitlar va oʻquvchilarning taʼlim olishiga qulay imkoniyatlar koʻzdan kechirilib, masʼul rahbarlarga aniqlangan masalalar boʻyicha tegishli topshiriqlar berildi.
Bunday kompleks oʻrganishlar viloyat miqyosida izchil va uzluksiz davom ettiriladi.
Namangan viloyati IIB Axborot xizmati