Oʻzbekiston Respublikasiga kirib kelayotgan chet el fuqarolari uchun eslatma
2024-04-30 09:00:00 / Yangiliklar
Qadrli doʻstlar! Hurmatli mehmonlar!
Oʻzbekiston Respublikasining migratsiya qonunchiligining buzilishini oldini olish, boʻlish qoidalariga rioya etilishini taʼminlash maqsadida, Oʻzbekiston Respublikasi Vazirlar Mahkamasining 2020-yil 28-sentyabrdagi «Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida»gi 593-sonli qarori talablariga muvofiq, Oʻzbekiston Respublikasida vaqtincha turgan joyingiz boʻyicha oʻz vaqtida roʻyxatdan oʻtishingizni iltimos qilamiz.
Vaqtincha roʻyxatdan oʻtish uchun Siz turgan joyingizdagi hududiy ichki ishlar organlarining migratsiya va fuqarolikni rasmiylashtirish boʻlinmalariga yoki joylashtirish vositalari (mehmonxonalar)ga murojaat qilish orqali amalga oshirishingiz mumkin.
Vaqtincha roʻyxatdan oʻtish Oʻzbekiston Respublikasiga kirib kelgandan soʻng uch kun ichida joylashtirish vositalari (mehmonxonalar)ga murojaat qilish yoki hududiy migratsiya va fuqarolikni rasmiylashtirish boʻlinmalariga murojaat qilish orqali amalga oshiriladi.
Oʻzbekiston Respublikasining Maʼmuriy javobgarlik toʻgʻrisidagi kodeksining 225-moddasiga muvofiq, chet el fuqarolari tomonidan Oʻzbekiston Respublikasida boʻlish qoidalarini oʻn sutkagacha rioya etmaganligi,
– bazaviy hisoblash miqdori (BHM)ning besh baravari miqdorida jarima solishga sabab boʻladi.
Boʻlish qoidalarini oʻn sutkadan ortiq, ammo oʻttiz sutkadan koʻp boʻlmagan muddatga buzishi, – BXMning oʻn baravari miqdorida jarima solishga sabab boʻladi.
Boʻlish qoidalarini oʻttiz sutkadan ortiq muddatga buzishi, – BHMning yigirma baravari miqdorida jarima solishga sabab boʻladi.
Oʻzbekiston Respublikasi Ichki ishlar vazirligi Migratsiya va fuqarolikni rasmiylashtirish bosh boshqarmasi