Atrof-muhitga taʼsir koʻrsatayotgan omillar boʻyicha ekologik monitoring ishlari davom ettirilmoqda
2025-11-27 11:20:00 / Yangiliklar
Oʻzbekiston Respublikasi Prezidenti Administratsiyasi, IIV, Milliy Gvardiya masʼullari tomonidan issiqxonalardagi qozonlarga filtr oʻrnatilmaganligi natijasida atmosfera havosini ifloslantirayotganligi holatlari oʻrganildi.
Tashkil etilgan ishchi guruh tomonidan Chigʻatoy, Kensoy, Qirariq, Koʻksaroy va Shamsiobod mahallalaridagi 32 ta issiqxonalar tekshirildi. Koʻmir yoqilgʻisida isitilayotgan 10 ta issiqxonada havo tozalash uchun moʻljallangan filtr qurilmalari yoʻqligi va yana 3 tasida chiqindilarni yoqish holatlari aniqlandi. Hududiy ekologiya boʻlinmalari tomonidan aniqlangan holatlar boʻyicha dalolatnomalar rasmiylashtirilib, 10 ta issiqxonaning faoliyatini toʻxtatish choralari koʻrildi.
Mutaxassislar tomonidan koʻmir yoqish vaqtida oʻrnatilishi zarur boʻlgan filtr qurilmalarining meʼyoriy talablari, chiqindilarni belgilangan tartibda yoʻq qilish borasidagi zaruriy tushuntirishlar berildi.
Atrof-muhitga taʼsir koʻrsatayotgan ekologik omillar boʻyicha monitoring va atmosfera havosini ifloslantirishga qarshi kurashi boʻyicha hamkorlikdagi tadbirlar boshqa hududlarda ham davom ettirilmoqda.