“Jinoyatchilik darajasi“ xalqaro reytingini tuzish va istiqbolli rejalar mavzusidagi davra suhbati boʻlib oʻtdi
2025-11-27 11:05:00 / Yangiliklar
Oʻzbekiston Respublikasi Kriminologiya tadqiqot institutida IIV sohaviy xizmatlari ishtirokida xalqaro reyting va indekslarni yaxshilash masalalari boʻyicha davra suhbati tashkil etildi. Unda xalqaro indekslar va reytinglar koʻrsatkichlari, shu jumladan eʼlon qilingan baʼzi indekslarning 2025-yil natijalari hamda milliy “Huquq ustuvorligi” indeksi koʻrsatkichlari atroflicha muhokama qilindi.
Ishtirokchilar amaliyotdagi muammolarni ham koʻrib chiqib, ularni hal etishga oid takliflar bilan oʻrtoqlashdilar. Shu tarzda davra suhbati huquqni muhofaza qiluvchi organlar va sohaviy xizmatlar oʻrtasida hamkorlikni mustahkamlash, xalqaro va milliy indekslar boʻyicha samaradorlikni oshirishga qaratilgan navbatdagi chora-tadbirlarni belgilash imkonini berdi.
Oʻzbekiston Respublikasi Kriminologiya tadqiqot instituti