Namangan viloyati IIBda “Xavfsiz va sogʻlom yurt” keng qamrovli profilaktik tadbirlarini samarali tashkil etish hamda jinoyatchilik ahvoli muhokama qilindi
2025-11-22 06:55:00 / Yangiliklar
Oʻzbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF-207-son Farmoni ijrosini taʼminlash maqsadida, Respublikamiz hududida 20-noyabrdan 20-dekabrgacha “Xavfsiz va sogʻlom yurt” keng qamrovli profilaktik tadbirlari oʻtkazilishi belgilangan.
Bugun shu munosabat bilan, Boshqarma rahbariyati huzurida sohaviy xizmat rahbarlari hamda shahar-tuman IIB boshliqlari ishtirokida muhokama yigʻilishi oʻtkazildi.
Yigʻilishda dastlab viloyat hududida 10 oy 20 kun ichida sodir etilgan jinoyatlar tahlil qilinib, yoʻl qoʻyilgan kamchiliklar tanqidiy ruhda koʻrib chiqildi. Shu bilan birga, ichki ishlar organlariga kelib tushayotgan murojaatlar va xabarlarning hal etilishi ahvoli, tergov sifatini yaxshilash hamda boshqa muhim sohaga oid masalalar muhokama qilindi.
Shuningdek, bir oy davomida keng qamrovli profilaktik tadbirlarni samarali tashkil etish, jinoyatchilik va huquqbuzarliklarning oldini olish boʻyicha masʼul rahbar va xodimlarga aniq vazifalar belgilab berildi.
Namangan viloyati IIB Axborot xizmati