Jizzaxda “Xavfsiz va sogʻlom yurt“ tadbirining 3-bosqichiga start berildi
2025-11-21 14:10:00 / Yangiliklar
Oʻzbekiston Respublikasi Prezidentining Farmoni asosida, aholi salomatligi va millat genofondini giyohvandlik va narkojinoyatlardan samarali himoya qilish maqsadida joriy yilning 20-noyabridan 20-dekabriga qadar “Xavfsiz va sogʻlom yurt“ keng qamrovli tezkor-profilaktik tadbirining uchinchi bosqichi boshlandi.
Tadbir doirasida viloyat hududida jamoat xavfsizligini taʼminlash va huquqbuzarlik holatlariga chek qoʻyish maqsadida tungi xizmatga jalb etilgan xodimlarga viloyat IIB boshligʻi general-mayor Gʻ.T.Qodirov tomonidan xizmat oldi yoʻriqnomasi berildi.
Yoʻriqnomada fuqarolar osoyishtaligini taʼminlash, jinoyatchilikka, xususan, korrupsiya, narkotik va psixotrop moddalar tarqalishiga qarshi kurashish, yoʻl-transport hodisalari hamda boshqa huquqbuzarliklarning barvaqt oldini olishda amalga oshirilishi lozim boʻlgan aniq vazifalar tushuntirildi.
Jizzax viloyati IIB Axborot xizmati