O‘zbеkiston Rеspublikаsi Ichki ishlаr vаzirligi

Navbatdagi manzilda, “Hududiy elektr tarmoqlari” Aksionerlik jamiyatining Gʻijduvon filiali tungi xizmat faoliyati oʻrganildi. Oʻrganish davomida fuqarolardan kelib tushayotgan murojaatlar va ular boʻyicha oʻz vaqtida naryadlar yuborilishi yuzasidan tegishli topshiriqlar berilib, masʼullar biriktirildi.

Shundan soʻng, tumandagi “Pamoʻza” mahallasining kriminogen holati oʻrganildi. Boshqarma boshligʻi tomonidan, xodimlarning tungi xizmati samaradorligini oshirish, jinoyat sodir etishga moyil shaxslar, muqaddam sudlanganlar va nazoratdagi shaxslar bilan olib borilayotgan ishlarni yanada kuchaytirish hamda “mahalla yettiligi” faoliyati tahlil qilindi.

Gʻijduvon tumani IIO FMB faoliyatini oʻrganish jarayonida esa, tumanda jamoat xavfsizligini taʼminlash, kelib tushayotgan murojaatlarga tezkor munosabat bildirish, tezkor-tergov guruhlarining voqea joyiga oʻz vaqtida yetib borishi masalalari muhokama qilindi. Tungi xizmatni kuchaytirish maqsadida bir qator qoʻriqlash guruhlari faoliyati oʻrganilib, ularga qoʻshimcha kuch va vositalar biriktirish boʻyicha koʻrsatmalar berildi.

Soʻnggi manzil tumandagi “Nodirabegim” mahallasi boʻldi. Tekshirish jarayonida viloyat IIB boshligʻi tomonidan mahalladagi umumiy huquqbuzarliklar holati, jinoyatlarning turlari, ularning sodir etilishiga sabab boʻlgan omillar hamda mavjud shart-sharoitlar atroflicha tahlil qilindi. Shuningdek, mahallada jinoyatchilikni jilovlash va uning oldini olishga qaratilgan aniq chora-tadbirlar, xususan, profilaktik, probatsiya hisobida turuvchi shaxslar bilan ishlash, huquqbuzarlikka moyil yoshlar bilan manzilli tarzda ish olib borish, aholi oʻrtasida huquqiy targʻibotni kuchaytirish, jamoat tartibini saqlash, yoʻl harakati xavfsizligini taʼminlash, «xonadonbay», «oilabay» va «fuqarobay» tizim asosida olib borilayotgan manzilli hamda profilaktik tadbirlarni yanada kuchaytirish masalalari belgilab olindi.

Buxoro viloyati IIB Axborot xizmati