Namangan viloyatida voleybol federatsiyasi hamda Aralash jang sanʼati (MMA) assotsiatsiyasi sportchilari uchun yaratilgan shart-sharoitlar oʻrganildi
2025-11-19 00:45:00 / Yangiliklar
Namangan viloyati IIB rahbariyati tomonidan hududlarda ichki ishlar organlari faoliyati va ijtimoiy soha obyektlarining kuz-qish mavsumiga tayyorgarligini oʻrganish bilan bir qatorda, viloyatimiz sportchilari uchun yaratilayotgan infratuzilma va mavjud sharoitlar ham atroflicha oʻrganilib, amaliy yordam koʻrsatib kelinmoqda.
Jumladan, bugun boshqarma boshligʻi sport boshqarmasi hamda masʼul tashkilotlar vakillari bilan birgalikda “Pahlavon” va “Barkamol avlod” sport majmualarida boʻlib, mazkur obyektlarda voleybol hamda aralash jang sanʼati (MMA) yoʻnalishlari boʻyicha shugʻullanuvchi sportchilar uchun yaratilgan shart-sharoitlar, sport zallarining texnik holati, qish mavsumida isitish tizimlarining faoliyati, shuningdek mahalliy va xalqaro musobaqalarni oʻtkazish boʻyicha tayyorgarlik jarayonlari oʻrganildi. Oʻrganish davomida aniqlangan masalalar yuzasidan masʼullarga tegishli topshiriqlar berildi.
Oʻrganish davomida viloyatda ushbu sport turlarini keng ommalashtirish, yoshlar oʻrtasida sogʻlom turmush tarzini targʻib qilish, voleybol va MMA boʻyicha iqtidorli sportchilarni qoʻllab-quvvatlash, ularning yuqori natijalarga erishishlari uchun zarur sharoitlarni yaratish borasidagi vazifalar belgilab olindi.
Namangan viloyati IIB Axborot xizmati