10–15-noyabr kunlari IIV Akademiyasida ichki ishlar organlari tizimidagi tegishli rahbarlar uchun qisqa muddatli oʻquv yigʻini tashkil qilindi
2025-11-16 12:20:00 / Yangiliklar
Tinglovchilar ichki ishlar organlarida amalga oshirilayotgan keng qamrovli islohotlar va faoliyatga doir normativ-huquqiy hujjatlarning mazmun-mohiyati, tizim samaradorligini yanada oshirishning ustuvor yoʻnalishlari, bu boradagi dolzarb vazifa va talablar, shuningdek jamoat xavfsizligini taʼminlash, huquqbuzarliklarning barvaqt oldini olish, jinoyatlarni tergov qilish, maʼnaviy-maʼrifiy ishlar va kadrlar bilan ishlash faoliyatini takomillashtirish, amaliyotga tatbiq qilingan yondashuvlar asosida natijadorlikni oshirish yuzasidan bilim va koʻnikmalarini oshirdilar. Bundan tashqari, joylardagi sayyor mashgʻulotlar davomida tizimdagi yangiliklar bilan tanishib, oʻzaro tajriba almashdilar.
Ichki ishlar vazirligi vakillari va akademiya professor-oʻqituvchilari tomonidan oʻtkazilgan mashgʻulotlar yakunida tinglovchilardan sinov imtihonlari qabul qilindi. Shuningdek oʻquv yigʻini ishtirokchilari taʼlim muassasasi faoliyati bilan tanishdilar.
IIV Akademiyasi Axborot xizmati