Oʻzbekiston Respublikasi Davlat bayrogʻi qabul qilinganligining 34-yilligi munosabati bilan Surxondaryo viloyati Ichki ishlar organlarida xizmat olib borayotgan yosh xodimlar oʻrtasida “Zakovat” intellektual oʻyini oʻtkazildi
2025-11-15 13:40:00 / Yangiliklar
Davlatimiz rahbarining “Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisidagi tegishli qarorlari va Oʻzbekiston Respublikasi Davlat bayrogʻi qabul qilinganligining 34-yilligi munosabati bilan, “Bir Vatan, bir el, bir bayroq” shiori ostida joriy yilning 14-noyabr kuni viloyat ichki ishlar organlari yosh xodimlari oʻrtasida “Zakovat” intellektual oʻyini tashkil etildi.
Ushbu intellektual oʻyinda boshqarmaning sohaviy xizmat va barcha shahar-tuman ichki ishlar boʻlimlaridan tashkil topgan jami 17 ta jamoalar ishtirok etishdi.
Qizgʻin va murosasiz kechgan bahslar yakuniy natijalariga koʻra 3-oʻrinni viloyat Yoʻl harakati xavfsizligi boshqarmasi jamoasi, 2-oʻrinni Termiz shahar ichki ishlar boshqarmasi jamoasi egallagan boʻlsa, musobaqaning mutlaq gʻolibi boʻlgan holda 1-oʻrinni Boysun tumani ichki ishlar boʻlimi jamoasi qoʻlga kiritishdi.
Tanlov yakunida gʻolib jamoalar boshqarma boshligʻining diplom hamda esdalik sovgʻalari bilan taqdirlanishdi.
Bu kabi tanlovlarni muntazam ravishda oʻtkazib borish, tizimda xizmat olib borayotgan yosh xodimlarning xizmat faoliyati davomida, oqilona fikrlash hamda tezkor qaror qabul qilishlarida yordam beradi.
Surxondaryo viloyati IIB Axborot xizmati