IIV Jazoni ijro etish departamenti xodimlari sambo boʻyicha Jahon chempionatida mamlakat sharafini munosib himoya qildi
2025-11-13 10:25:00 / Yangiliklar
Joriy yilning 7-9-noyabr kunlari Qirgʻiz Respublikasi poytaxti Bishkek shahrida sambo boʻyicha kattalar oʻrtasidagi Jahon chempionati boʻlib oʻtdi.
Yilning eng muhim startida Oʻzbekiston terma jamoasi aʼzolari safida IIV huzuridagi Jazoni ijro etish departamentining Tezkor harakatlanuvchi otryad xodimlari ham ishtirok etishdi.
Musobaqa yakuniga koʻra, Oʻzbekiston terma jamoasi vakillari 8 ta kumush va 2 ta bronza medallarini qoʻlga kiritishdi.
Jahon chempionatida sovrindorlar orasida kumush medalini qoʻlga kiritgan -64 kg: Oybek Soliyev (jangovar sambo), -88 kg: Sohibjon Hasanboyev (jangovar sambo) va +98 kg: Islom Nosirovlarning (jangovar sambo) ham borligi quvonarli albatta.
Ushbu gʻalaba bilan hamkasblarimizni IIV rahbariyati va shaxsiy tarkibi nomidan muborakbod etamiz.
IIV JIED Axborot xizmati