IIV masʼul xodimlari tomonidan Jizzax viloyati IIOda xizmat qilayotgan barcha rahbarlar va ularning oʻrinbosarlaridan yakuniy imtihon olindi
2025-11-11 13:00:00 / Yangiliklar
Oʻzbekiston Respublikasi IIVning 2025-yil 13-oktyabridagi “2025-oʻquv yili boʻyicha Ichki ishlar organlari xodimlarini yakuniy tekshiruvlardan oʻtkazish tartibini belgilash toʻgʻrisidagi” buyrugʻiga asosan Jizzax viloyati IIOda xizmat qilayotgan barcha rahbarlar va ularning oʻrinbosarlaridan oʻquv yili yakuni boʻyicha yakuniy imtihon olindi.
Sinov avvalida IIV Maʼnaviy maʼrifiy ishlar va kadrlar bilan taʼminlash departamenti Jismoniy va jangovar tayyorgarlik boshqarmasi masʼul xodimi tomonidan viloyat IIB shaxsiy tarkibi, shahar va tumanlar IIBlari boshliqlari va sohaviy xizmatlar rahbarlariga amaldagi buyruq talablari yetkazildi.
Jismoniy va jangovar tayyorgarlik boʻyicha sinovlarda rahbarlarning toʻsinda tortilish, 100 va 1000 metrga yugurish va qoʻl jangi usullaridan samarali foydalanish, oʻq otar qurollardan foydalanish boʻyicha mahoratlari, intellektual bilim salohiyati elektron tarzda test savollariga javob berish orqali baholandi.
Jizzax viloyati IIB Axborot xizmati