IIV TQD Kiberxavfsizlik markazi va UZCARD hamkorligida amalga oshirilgan loyiha “Yilning eng yaxshi taʼlim tashabbusi” sifatida eʼtirof etildi
2025-11-11 13:00:00 / Yangiliklar
Oʻzbekiston Respublikasi Ichki ishlar vazirligi Tezkor-qidiruv departamenti Kiberxavfsizlik markazi va “Yagona umumrespublika protsessing markazi” AJ (UZCARD) oʻrtasida imzolangan hamkorlik memorandumiga asosan fuqarolarni kibertahdidlardan ogohlantirish, ularni kiberjinoyatlarning qurboniga aylanib qolishini oldini olish maqsadida UZCARD jamoasi bilan birga targʻibot-tashviqot ishlari oʻtkazildi.
Targʻibot tadbirlari dastlabki bosqichida Qoraqalpogʻiston Respublikasi, Fargʻona, Samarqand va Buxoro viloyatlarida oʻtkazildi.
Oʻtkazilgan targʻibot-tashviqot ishlari fuqarolarning kibermakondagi raqamli immunitetini oshirish va moliyaviy savodxonligini rivojlantirishga xizmat qilganligi uchun Amerika Savdo Palatasining Oʻzbekistondagi vakolatxonasi tomonidan (AmCham Uzbekistan) “Taʼlim” yoʻnalishida har yili tashkil etiladigan “CSR Ball”da yilning eng yaxshi loyihalaridan biri sifatida mukofotga sazovor boʻldi.
Shu munosabat bilan joriy yil 10-noyabr kuni tashkil etilgan tadbirida Kiberxavfsizlik markazi xodimlari ishtirok etib, hamkorlikdagi mukofot qoʻlga kiritildi.
Toʻlov tizimi operatori bilan kelgusida bu kabi tadbirlarni kengroq oʻtkazib, targʻibot tadbirlarida koʻp sonli aholini qamrab olish boʻyicha istiqboldagi loyihalar muhokama qilib olindi.
IIV TQD Kiberxavfsizlik markazi